فكرة إن الحجاج الغير نظاميين يدخلوا على الحجاج النظاميين دا خرب الدنيا وعمل فتنة قاتلة.
ربنا بيقول "لمن استطاع إليه سبيلًا"
يعني تستطيع بمأكلك ومشربك ومسكنك وصحتك وقوتك وفلوسك، ولو ماقدرتش على دا يبقى انت خااااااارج الفريضة مش مطلوبة منك.
لكن إنك تهبط على حجاج دافعين ثمن كل شيء وعايز تشاركهم في كل شيء وكمان بتجادل معاهم!!!
فسد حجك يا فندم
"لا جدال في الحج ولا فسوق في الحج"
وأنت بتجادل غيرك على مكانه وفسوقك في بغيك على حقه.
لما تدخل على خيمة وتأخذ مكان حاج غيرك ويرفض فتقوم تجادله:
"انت ليه رافض؟ انت مش مسلم ما نساعد بعض؟ وساعدني ونسع بعض"
وانت عارف إنها فرشة 60 سم يعني تكفي إنسان يادوب نايم على جنبه، وتفضل تجادل فيه يبقى فسد حجك مش هو اللي فسد حجه علشان رفض.
هو بيتكلم في حقه وانت عايز تأخذ حق مش حقك.
إنك عايز تأخذ بسيف الحياء مأكله ومشربه بحجة إننا مسلمين نسع بعض!!! بأي عقل وأي منطق وأي دين وهو بيجاهد في شمس 50 درجة مئوية و30 كيلو رايح جاي ومحتاج ياكل ويرتاح!!!
لم تستطع على الحج يا أخي يبقى سقطت الفريضة افهموا بقى.
لا انت قادر تدفع ولا قادر تشتري أكل ولا مكان تنام فيه يبقى سقطت الفريضة.
طيب التاجر الغير أمين اللي أخذ منك الـ100 ألف ما تسأله فين مكان نومي وأكلي وشربي هو الأول تسأله.
بتعاند مييييين!!!! بتعاند ربنا!!!
جاي تفسد على من استطاع إليه سبيلًا وتجعله يخرج عن شعوره لييييه!!! أي دين أمرك كده.
انت عايز تعمل كده يبقى استحمل نفسك ولا تحمل نفسك على غيرك أبدًا.
وافق أهلا وسهلًا، رفض يبقى قوله شكرًا دا حقه.
الرضا وبالرضا وليس بسيف الحياء أبدًا.
انت مش داخل عليه بلده علشان يشيلك أو يعينك، هو زيك زيه مسافر ومهاجر بس هو استطاع يأمن مأكله ومشربه وبياته وانت لم تقدر ودا مش عيب ولا حرام.
وخلاص أقسم بالله طالما مش قادر تبقى مش مكتوبة عليك.
بتعبد مييييين طيب طالما اللي بتعبده قالك خليك مكانك!!!
حقيقي المصريين أغرب شعوب الأرض فهمًا للدين.
بيعملوا دين لنفسهم مالوش دعوة بمراد الله ولا الهدف الحقيقي من الحج.
والمهازل مستمرة... من المصريين.
